नेपालमै पहिलो पटक उड्डयन व्यवस्थापनमा स्नातक तह पढाइ हुने

काभ्रे । नेपालमा पहिलोपटक काभ्रेको बनेपामा उड्डयन व्यवस्थापनमा स्नातक तहको पढाइ हुने भएको छ ।

काठमाडौं विश्वविद्यालय स्कुल अफ म्यानेजमेन्ट अन्तर्गत रहेर सिम्रिक भेन्चर र सिद्धार्थ वनस्थली इन्स्टिच्युटले संयुक्त कार्यक्रमको रुपमा उक्त कार्यक्र संचालन गर्न लागिएको हो । उड्डयनसम्बन्धी अध्ययनका लागि मुलुक बाहिर धाइराख्नुपर्ने बाध्यता रहेको बेला यसै वर्षबाट उक्त कक्षा बनेपामा संचालन हुने सिम्रिक भेन्चरका अध्यक्ष क्याप्टेन रामेश्वर थापा बताए ।

आयोजित पत्रकार सम्मेलनमा अध्यक्ष थापाले अब नेपालमै उड्डयनसम्बन्धी अध्ययन गर्न सकिने बताएका हुन् । सम्मेलनमा जानकारी गराइए अनुसार उड्डयन व्यवस्थापनको प्रस्तावित कार्यक्रम स्नातक तह चार वर्षको हुने छ । उक्त ज्ञान प्राप्त जनशक्तिले उड्डयन सञ्चालन एयरलाइन्स र एयरपोर्टहरूलाई प्रभावकारी रूपमा व्यवस्थापन गर्न सीप र ज्ञान अर्जन गर्ने छन् ।

यस कार्यक्रमले उड्डयन कानून र नियमहरू, उड्डयन सुरक्षा, एयरपोर्ट योजना र व्यवस्थापन, एयरलाइन अपरेसनहरू, उड्डयन कि र अर्थशास्त्र, उड्डयन मार्केटिङ, पर्यटकीय महत्व र मानव संसाधन व्यवस्थापन सहित विषयहरूको विस्तृत दायराले समेट्ने बताइको छ ।
कार्यक्रममा क्याप्टेन थापाले भने पाठ्यक्रम विद्यार्थीहयरूको आलोचनात्मक सोच र समस्या समाधान गर्ने सीपहरू विकास गर्न डिजाइन गरिएको छ, । यसले सम्बन्धित गतिविधिहरू प्रबन्ध गर्न व्यावहारिक प्रशिक्षण प्रदान गर्दछ । विद्यार्थीहरूले उड्डयन प्रविधि उपकरणहरु र प्रणालीहरू सहित उड्डयनका विभिन्न पक्षहरुबारे सिक्नेछन् । तिनीहरूले जटिल परिस्थितिहरू कसरी व्यवस्थापन गर्ने, दवावमा काम गर्ने र विभिन्न सरोकारवालाहरूसँग प्रभावकारी रूपमा कुराकानी गर्ने तरिका सिक्नेछन् ।

उड्डयन व्यवस्थापनको स्नातक पाठ्यक्रमको उद्देस्य विद्यार्थीहरुलाई उड्डयन सम्बन्धी गतिविधिहरू प्रभावकारी रूपमा व्यवस्थापन र सञ्चालन गर्न आवश्यक ज्ञान, सीप र प्रशिक्षण प्रदान गर्नु हो । जसका मुख्य उद्देश्यहरु नेपाली उड्डयन उद्योगको इतिहास, संरचना, प्रविधि र राष्ट्रिय तथा अन्तर्राष्ट्रिय नियमहरू सहितको विस्तृत बुझाइको विकास गर्नु, विद्यार्थीहरुलाई उड्डयन सञ्चालन, एयरलाइन्स र एयरपोर्टहरू व्यवस्थापन गर्न आवश्यक व्यवस्थापन कौशल र ज्ञानको साथ सुसज्जित गर्नु रहेको उनले बताए ।

त्यस सँगै विद्यार्थीहरूमा आलोचनात्मक सोच, समस्या समाधान र सञ्बार सीपहरू बढाउनु, उड्डयन उद्योगमा अनुसन्धान, नवप्रवर्तन र उद्यमशीलतालाई यसको विकास र विकासमा योगदान दिन प्रवर्द्धन गर्नु, नैतिक रूपमा जिम्मेवार, सामाजिक रूपमा सचेत र समाजमा सकारात्मक योगदान गर्ने स्नातकहरू उत्पादन गर्नु, यात्रुहरुको यात्रालाई आरामदायी तथा सुरक्षित बनाउनु रहेको उनको भनाई थियो ।
पत्रकार सम्मेलनपूर्व क्याम्पसको उद्घाटन काठमाडौं विश्वविद्यालयका उपकुलपति प्राडा भोला थापाले गरेका थिए ।

कार्यक्रममा नेपाल पर्यटन बोर्डको बोर्डका सदस्य प्रदीपराज पाण्डे, हिमालयन एयरलायन्सका विजय श्रेष्ठ, काठमाडौं विश्वविद्यालयका रजिस्ट्रार अच्युत वाग्ले, डीन विजय केसी लगायतले शुभकामना मन्तव्य राखेका थिए।