पाँच थान वाटर डिस्पेन्सर र १३ डस्टबिन विद्यालयलाई वितरण
पनौती । सार्वजनिक सरोकारको समन्वयमा पनौती नगरपालिका–७ मा रहेको एक विद्यालयलाई पाँच थान वाटर डिस्पेन्सर तथा १३ थान डस्टबिन वितरण गरिएको छ।
पनौती ७ स्थित इन्द्रेश्वर मा.विमा आयोजित कार्यक्रममा स्थानीय जमुना पसछेंको सहयोगमा ३ थान वाटर डिस्पेन्सर उपलब्ध गराइएको थियो भने अधिवक्ता हरिशरण बस्नेत, भीम बोम्जन तामाङ र सरस्वती कणेलको सहयोगमा थप २ थान वाटर डिस्पेन्सर तथा डस्टबिनका लागि आर्थिक सहयोग प्रदान गरिएको थियो। सोही सहयोगबाट विद्यालयको आवश्यकता र मागअनुसार पाँच थान वाटर डिस्पेन्सर र १३ थान डस्टबिन वितरण गरिएको आयोजकले जनाएको छ।
कार्यक्रम सार्वजनिक सरोकारका संयोजक सरस्वती कणेलको सभापतित्वमा सम्पन्न भएको थियो। कार्यक्रममा पनौती नगरपालिका वडा नं. ७ का वडा अध्यक्ष सविन ताम्राकार प्रमुख अतिथि रहेका थिए भने निवर्तमान प्रधानाध्यापक उमारुद्र बस्नेत विशिष्ट अतिथिका रूपमा उपस्थित थिए।
त्यसैगरी कार्यक्रममा प्रधानाध्यापक कमल केसी, निवर्तमान अंग्रेजी विषय शिक्षक चन्द्रमणी काफ्ले, विद्यालय व्यवस्थापन समितिका सदस्य दण्डपाणि फुयाल, शिक्षक प्रतिनिधि गोपाल श्रेष्ठ, बालमैत्री सहजकर्ता गीता दाहाल, सहयोगी जमुना पसछें, चरिमाया बोम्जन लगायत शिक्षक तथा विद्यार्थीहरूको सहभागिता रहेको थियो।
कार्यक्रम विद्यालयका शिक्षक रूपा थापाले सञ्चालन गरेकी थिइन्। कार्यक्रममा उपस्थित अतिथि, शिक्षक र विद्यार्थीहरूको सहभागितामा कार्यक्रम सभ्य र भव्य रूपमा सम्पन्न भएको आयोजकले जनाएको छ।
कार्यक्रम सफल बनाउन सहयोग पु¥याउने जमुना पसछें, अधिवक्ता हरिशरण बस्नेत, भीम बोम्जन तामाङ र सरस्वती कणेलप्रति आयोजकले विशेष धन्यवाद तथा आभार व्यक्त गरेका छन्।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |