पार्थली नजिकै गएको पहिरोले पनौती ढु‌‍ङर्खक सडक अवरुद्ध

बेथानचोक
पनौती ढुङर्खक सडक अन्तर्गत पार्थली गेल्दुङ खण्डमा गएको पहिरोले उक्त सडक पूर्ण रुपमा बन्द भएको छ ।

आइतबार दिउँसो गएको पहिरोले सडक अवरुद्ध भएको बेथानचोक गाउँपालिका अध्यक्ष भगवान अधिकारीले जानकारी दिएका छन् । पालिकाका सबै अवरुद्ध सडक खोल्ने प्रयासमा रहेको समेत उनले जनाएका छन् । दिउँसो गएको उक्त पहिरो भने तत्काल पन्छाउन कठिन रहेको स्थानीयले जानकारी दिएका छन् ।