काठमाडौं
शिक्षकहरु एक महिना देखि सडक आन्दोलनमा छन् । आम शैक्षिक हड्तालन सहित शिक्षकहरुले एसईई परीक्षाको कपी परीक्षण, कक्षा १२ को परीक्षा बहिस्कार गरेका छन् । कक्षा १२ को स्थगित परीक्षा मिति नजिकिँदै गर्दा सरकार र आन्लोलनरत शिक्षकहरु बिचको वार्ताले मूर्तरुप पाउने सम्भावना बढेको छ ।
आज दिउँसोबाट शुरु भएको सरकार र शिक्षकबीचको वार्ता सिंहदरबारमा जारी छ । वार्तामा सरकारका तर्फबाट शिक्षामन्त्री रघुजी पन्तका साथै, एमाले प्रमुख सचेतक महेश बर्तौला, कांग्रेस प्रमुख सचेतक श्यामकुमार घिमिरे, शिक्षा समितिका सभापति अमरबहादुर थापा र शिक्षा समितिका उपसमिति संयोजक छविलाल विश्वकर्मा सहभागी छन् । त्यसै गरी शिक्षकहरुको तर्फबाट शिक्षक महासंघका अध्यक्ष लक्ष्मीकिशोर सुवेदी, सहअध्यक्ष नानुमाया पराजुली, महासचिव तुलाबहादुर थापा रहेको बताइएको छ ।
नेपाल शिक्षक महासंघले नौबुँदे प्रस्तावमा सरकार चलक भएको छ । संसद्को चालु अधिवेशनबाट शिक्षा ऐन पारित गर्ने प्रतिबद्धता पनि सरकारी पक्षले जनाए जनाए सँगै सडक आन्दोलन टुङ्गिन सक्ने सम्भावना बढेको छ ।
यस अघि पटक पटक गरिएका सम्झौता कार्यान्यनमा सरकार पक्षबाट इमान्दारीता प्रदर्शन नगरको भन्दै उपयुक्त सम्झौता भएको खण्डमा सडक आन्दोलन अन्त्य गरिए पनि परिवर्तित स्वरुपमा ऐन जारी नभए सम्म आन्दोलन कायम रहने जानकारहरु बताउँछन् ।
अहिले दुई पक्षबीच शिक्षा, विज्ञान तथा प्रविधि मन्त्रालयमा छलफल भइरहेको छ। महासंघले विद्यालय कर्मचारी र ईसीडीका शिक्षकको तलब, सामाजिक सुरक्षा कोष, दुर्गम भत्ता, ग्रेड समायोजनजस्ता माग अघि सारेको छ । यसैगरी मर्यादाक्रम, अस्पतालमा शिक्षकको उपचारमा छुटको व्यवस्था, निमावि प्रथम र मावि द्वितीयबीच तलबमा समानता, राहत शिक्षक आन्तरिक प्रतिस्पर्धामा सहभागी हुन पाउने र उमेरको हदबन्दी लाग्न नहुनेसहितका प्रस्ताव शिक्षा मन्त्रालय समक्ष पेस गरेको बताइएको छ ।
