काभ्रेपलाञ्चोक/ नेकपा एमालेका पोलिटव्युरो सदस्य, पूर्व सञ्चार तथा सूचना प्रविधि मन्त्री एवं प्रतिनिधिसभा सदस्य गोकुल बाँस्कोटाले बजेटका विषयलाई लिएर सबैतिर असन्तुष्टि बढेको बताउनुभएको छ । जिल्ला समन्यवय समिति काभ्रेपलाञ्चोकले आयोजना गरेको आठौं जिल्ला सभालाई सम्बोधन गर्दै कार्यक्रमका प्रमुख अतिथि बाँस्कोटाले जनतामा बुझाउन नसक्दा सबैले यो समस्या भोग्नु परेको बताएका छन् ।
कार्यक्रमलाई सम्बोधन गर्दै बाँस्कोटाले कुनै एक ठाउँमा बजेट राखेमा अर्को ठाउँको रिसाउने प्रबृत्ति बढेको बताएका हुन् । बाँस्कोटाले संघीय सरकारले वडा र टोल टोलमा बजेट राख्न नसक्ने बताउँदै संघीयता स्विकार गरेपनि तीनै तहका सरकारले वित्तिय अनुसासन पालना नगरेकाले यस्तो समस्या आएको बताए । बजेट संघ प्रदेश र स्थानीय गरि तीत सरकारले ल्याउने भएकाले संघबाट प्रदेश र स्थानीय स्तरमा प्रदेशले स्थानीय र स्थानीय तहले वडा र टोलमा बजेट व्यवस्थापन गर्ने विधिको अवलम्बन गर्नुपर्नेमा जोड दिएका थिए । समारोहमा बोल्दै बाँस्कोटाल भने– ‘“सिस्टम भोटको रोजेछि भोट माग्न एउटा नआए अर्को आउँछ, भोट त हाल्नै पर्छ विधि त मान्नै पर्छ । संघबाट वडा र टोलमा बजेट आएन भनेर एकले अर्कोलाई नागरिकलाई उचालेर उपलब्धिलाई पनि ओझेलमा पार्ने र असन्तुष्टि मात्रै चर्काउने कार्य भएको छ । बजेट संघले प्रदेश स्थानीय तहलाई दिने हो । स्थानीय तहले वडा र टोल समेट्नु पर्छ । संघीय व्यवस्था मानेपछि यहि विधि मान्ने हो ।’
बाँस्कोटाले तीनै तहका सरकारले वित्तिय अनुशासनको पालना गर्न नसकेको समेत बताए । आर्थिक अनुशासनमा मुलुकका तीनै तहका सरकार बस्न नचाहेको बताउउँदै दक्ष जनशक्ति नहुँदा बजेट कार्यान्वयनमा उपलब्धी हासिल गर्न नसकेको दावी गरे । उनले काठमाडौं विश्वद्यिालयसँग मिलेर जिल्ला समन्वय समिति र जिल्लाका १३ वटै पालिकाले राजनीतिक शिक्षा र ज्ञान लिन र विश्वविद्यालयले पनि स्थानीय सरकार सञ्चालनमा दक्ष जनशक्ति उत्पादन गर्ने कार्यमा सहयोग गर्न आग्रह गरे ।
यसैगरी कार्यक्रमका विशेष अतिथि बागमती प्रदेश सभा सदस्य रत्न प्रसाद ढकालले स्थानीय तहले बजेट तथा नीति कार्यक्रम बनाउँदा उत्पादन मुखि बनाउनु पर्ने बताए । उनले स्थानीय सहित तीनै तहका सरकारले गरेको विकास निर्माणको उपभोग गर्ने जनताको अभाव भएको बताउँदै स्थानीय तहमा सबैखाले सुविधा र जनताको जीवनस्तर उकास्ने खालको बजेट ल्याउन जोड दिए । हाल गाउँ छाड्ने र विदेश पलायन हुने क्रम बढेकोतर्फ लक्षित गर्दै ढकालले यस्तै अवस्था सहिरहे नेपालका विश्वविद्यालयहरु खाली हुने समेत दावी गरे ।
यसैगरी कार्यक्रमलाई जिल्लाका १३ वटा स्थानीय पालिकाहरुका तर्फबाट सम्बोधन गर्दै पाँचखाल नगरपालिकाका प्रमुख महेश खरेलले नेपालमा रहेका नाङ्गा डाँडाहरुमा वृक्षारोपन गरेर दीर्घकालिन आम्दानिको स्रोत बनाउन सकिने बताए । खरेलले पाँचखालमा उत्पादन भएको तरकारीमा विषादी छ भनेर दुस्प्रचार भएको विषयलाई अध्यनन गरी विषादी रहित तरकारी उत्पादनको अभियानमा पाँचखाल अगाडि बढ्दा हाल आएर पाँचखालमा उत्पादन भएको तरकारी सेमि अर्गानिकको रुपमा प्रमाणित भएको भएपनि पाँचखाल लगायत काभ्रेपलाञ्चोक जिल्लामा उत्पादन भएको ताजा तरकारीले बजार पाउन अझै समस्या रहेको बताए ।
जिल्ला समन्वय समिति काभ्रेपलाञ्चोकका प्रमुख दीपक गौतमको अध्यक्षतामा सम्पन्न सो सभामा काठमाडौ विश्वविद्यालयका उपकुलपति डा. अच्युत प्रसाद वाग्ले, बागमती प्रदेश नीति तथा योजना आयोग सदस्य गुणराज मोक्तान, जिल्ला प्रमुख जिल्ला अधिकारी उमेश कुमार ढकाल, पत्रकार महाँसंघ काभ्रेपलाञ्चोकका कार्यबाहक अध्ययक्ष कपिल कोईराला लगायतका बक्ताहरुले शुभकामना मन्तव्य राखेका थिए । समारोहमा शुन्य बेरुजु कायम गर्न सफल महाभारत गाउँपालिका, बेरुजु फर्छ्यौटमा उत्कृष्ठि नतिजा निकाल्न सफल भएकोमा मण्डनदेउपुर नगरपालिका लागयत विभिन्न विषयगत उत्कृष्ट कार्य सम्पादन गर्ने स्थानीय तहहरुलाई सम्मान गरिएको थियो ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |