काभ्रे
काठमाडौँमा जेन्जीले गरेको आन्दोलनलाई व्यवस्थापन गर्न सुरक्षा निकायलाई सहज बनाउन काठमाडौँ जिल्ला प्रशासन कार्यालयले विभिन्न स्थानलाई निषेधित क्षेत्र घोषणा गरेको छ ।
काभ्रेमा पनि प्रमुख जिल्ला अधिकारी उमेश कुमार ढकालले आज भदौ २४ गते बिहान १२ बजे १५ मिनेट देखि राति नौ बजे सम्मका लागि कर्फ्युआदेश जारी गरेका छन् । जिल्ला सुरक्षा समितिको निर्णयअनुसार तोकिएका स्थानमा कुनै पनि प्रकारका भीडभाड, जुलुस, प्रदर्शन, सभा, बैठक, घेराउ गर्न नपाइने सूचनामा उल्लेख छ ।
कफ्र्यु आदेश जारी हुने क्षेत्रहरुमा अरनिको राजमार्गसँगै जोडिएको भाडाखालमा रहेको पुलिस बिट आसपासको ४०० मिटर क्षेत्र सम्म, बनेपा नाला सडकको नाला गुन्र्सानेदेखि नेपाल विद्युत प्राधिकरणको हेड क्वाटर हुँदै रेडक्रसचोक, त्रिवेणी मेडिका अस्पताल र उच्च अदालत परिसरसम्मको ४०० मिटर क्षेत्रमा, बनेपा चारदोबाटोदेखि पनौती बजार रोडेसाइडसम्मको ४०० मिटर क्षेत्रमा, विहीबार राजमार्गको कमर्शियल बैंकदेखि पुलिस बिटसम्मको र सरस्वती बजार आसपासको क्षेत्र ४०० मिटर, पनौती नगरपालिका क्षेत्रमा अरनिको राजमार्गको तमाघाट पूर्वदेखि शिविरेचोकसम्मको सडकको ४०० मिटर क्षेत्र
प्रशासनले जनताको सुरक्षा र शान्ति–व्यवस्था कायम गर्न यो आदेश जारी गरिएको जनाएको छ । आदेश उल्लंघन गर्नेहरूमाथि कानूनी कारबाही हुने चेतावनीसमेत दिइएको छ ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |