पनौती
पनौती नगरपालिका वडा नं ६ मा पढ्ने ९८ जना बालबालिकाका लागि हिन्दुुजागरण नेपालले न्यानो लुगा स्टेसनरी लगायतका सामग्री वितरण गरेको छ ।
हिन्दुजागरण नेपालका अध्यक्ष रामकृष्ण उपाध्याय लगायको उपस्थितिमा उक्त सामग्रीहरु वितरण गरिएको हो । सामग्री वितरण कार्यक्रममा बोल्दै उपाध्यायले आर्थिक अभावमै दैनिक जीवन गुजारमा कठिनाई हुँदा नेपालीहरु एक अर्कामा सहयोग गर्न तत्पर रहेको बताए ।
पछिल्लो समय प्रलोभन सहित धर्म परिर्वतनका गतिविधि तिब्र भएको बताउँदै हिन्दुजागरण नेपाल सहकार्यबाटै त्यस प्रकारका अभाव टार्न लागि पर्ने तर कसैलाई प्रलोभनमा पारेर जर्वजस्ती गरिने कार्यको विरोधमा रहेको उनले बताए ।
देशभरका विभिन्न सामुदायिक विद्यालयहरुमा यस प्रकारका सहयोगी कार्य भइरहेको बताउँदै उनले भने, ‘शिक्षा पाउने बालबालिकाको नैसर्गिक अधिकार हो । शिक्षा प्राप्त गर्ने कार्यमा आइपर्ने काठिनाई समाधानका लागि हामी दाताहरुको मद्धत लिएर सहयोगका लागि तत्पर रहन्छौं ।’ उनले थपे ।
कार्यक्रममा पनौती वडा नं ६का वडा अध्यक्ष भीम प्रसाद आचार्य , निवर्तमान वडा अध्यक्ष सुुधिर सापकोटा,विद्यालय व्यवस्थापन समिति अध्यक्ष नारायण सापकोटा, प्रधानाध्यापक ईश्वर ब भण्डारी ,जागरण नेपालकी कोषाध्यक्ष शान्ता रोका, केन्द्रिय सदस्य शान्ता कट्वाल, इन्दिरा खड्का कडेल, समाजसेवी नवराज पुडासैनी, भागवत सेवा संघ उपसमिति बेथानचोकका अध्यक्ष गणेश तिमल्सिना शिक्षक अभिभावक संघ अध्यक्ष अर्जुन दाहाल, संस्थापक प्रधानाध्यापक अर्जुन दाहाल लगायतको उपस्थिति रहेको थियो ।
कार्यक्रमका वक्ताहरुले संस्थाको कार्यको प्रशंसा गर्दै कमजोर आयभएका परिवारका लागि यस प्रकारको कार्यक्रम अत्यन्तै उपयोगी हुने विश्वास गरिएको थियो । कार्यक्रममा उपस्थितलाई शिक्षक प्रमिला वास्तोलाले स्वागत गरेकी थिइन् ।कार्यक्रमको संचालन दिनेश हुमागाईले गरेका थिए ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |