पनौती । पनौती नगरपालिका–३ स्थित लालिगुँरास प्राथमिक विद्यालयमा अध्ययनरत विद्यार्थीहरूलाई न्यानो कपडा वितरण गरिएको छ।
सार्वजनिक सरोकारको आयोजना तथा समन्वयमा विद्यालयका १५ जना विद्यार्थीलाई स्वेटर र टोपी वितरण गरिएको हो।
पनौती नगरपालिका–३ का वडा अध्यक्ष विष्णुप्रसाद सापकोटाको अध्यक्षतामा सम्पन्न कार्यक्रममा विद्यालय व्यवस्थापन समितिका अध्यक्ष फुलबहादुर तामाङ, प्रधानाध्यापक आशाराम तामाङ, सार्वजनिक सरोकार काभ्रे शाखा संयोजक सरस्वती कणेल, वडा सदस्यहरू रूपा थापा र गणेश घिमिरे, वडा बालमैत्री सहजकर्ता गीता थापा, अभिभावक, शिक्षक तथा विद्यार्थीहरूको उपस्थिति रहेको थियो।
कार्यक्रममा बोल्दै वक्ताहरूले विद्यार्थीहरूको आवश्यकता पहिचान गरी गरिएको सहयोगले बालबालिकाको पठनपाठनमा सकारात्मक प्रभाव पार्ने विश्वास व्यक्त गरे। विशेषगरी बालबालिकाको चिन्ता र आवश्यकतालाई महसुस गर्दै संस्थासँग समन्वयकारी भूमिका निर्वाह गर्ने वडा बालमैत्री सहजकर्ता गीता थापाप्रति आभार व्यक्त गरिएको छ।
सार्वजनिक सरोकार नितान्त गैरनाफामूलक संस्था भएको र सहयोगी मनहरूको व्यक्तिगत सहयोगबाट यस्ता सामाजिक कार्यहरू सञ्चालन हुँदै आएको जनाइएको छ। यस कार्यका लागि सहयोग पु¥याउने प्रकाश सापकोटा र गीता थापाप्रति संस्थाले हार्दिक धन्यवाद तथा आभार व्यक्त गरेको छ।
