पनौती
पनौती ८ स्थित तिप्चोक जंगलमा गाईका बाच्छाहरुको सामुहिक हत्या गरिएको भेटिएको छ ।
१ दिन अघि जंगलमा १० ओटा गाईका बाच्छाहरु चर्दै गरेको स्थानीयले देखेको बताएका छन् । सोमबार बिहानै ७ ओटा बाच्छाका एकै स्थानमा मृत अवस्थामा फेला परेका हुन् ।
मृत बाच्छाका शरीरहरु एकै स्थानमा रहेको,ती बाच्छाहरुमध्ये केहीको गर्दनमा गहिरो धारिलो हतियार प्रयोग गरेजस्तै गहिरो चोट देखिएको घटना स्थाल रक्ताम्मे रहेको र धरै जसोको खुट्टा छुट्टिएको तथा भित्री अंगहरु निक्लिएको अवस्थामा भेट्टिएको प्रत्यक्षदर्शीले बताएका छन् ।
सोमबार बिहान स्थानीयले जंगलमा बाच्छाहरुको एकै स्थानमा ती अवशेषहरु फेला पारेपछि घटना बाहिर आएको हो । घटना स्थलहेर्दा बाच्छाहरुको कुनै जंगलीजनावरको आक्रमण नभई हत्या भएको हुन सक्ने प्रत्यक्षदर्शीको आशंका छ ।
घटना सार्वजानिक भए सँगै घटना स्थल पुगेका पनौती प्रहरी चौकीका प्रहरी बरिष्ठ नायव निरीक्षक कुल बहादुर कुँवरले बाच्छाहरुको सामुहिक हत्याको आशंका गर्दै अनुसन्धान प्रकृया अगाडि बढाउने जानकारीदिए ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |