पनौती
पनौती कपालकोटमा अवस्थित सिद्धार्थ वनस्थली इन्ष्टिच्युटको ३७ औ वार्षिकोत्सव तथा अभिभावक दिवस र शैक्षिक प्रर्दशनी मनाएको छ ।
कार्यक्रमको उदघाटन प्रमुख अतिथि पनौती शिक्षा शाखाका स्रोत व्यक्ति महेश्वर जंगमले गरेका थिए ।
कार्यक्रम उद्घाटन गर्दै कार्यक्रमका प्रमुख अतिथि जंगमले सिदार्थ वनस्थलीको जिल्लामा छुट्टै पहिचान भएको भन्दै सार्वजानिक शैक्षिक गुठी मार्फत सञ्चालन भएको विद्यालय देशकै नमुना भएको बताए ।
सिद्धार्थ वनस्थली गुणस्तरीय तथा ब्यबहारिक शिक्षा प्रदान गर्दै नमुना विद्यालयको रुपमा स्थापित भएको उनकोे भनाई थियो ।
कार्यक्रममा विद्यालयका प्रिन्सिपल रेश्मा थापाले विद्यालको वार्षिक प्रतिबेदन प्रस्तुत गरेकी थिईन् । उनले ३७ वर्ष अघि निकै कठिन समयमा विद्यालयको स्थापना भएको भन्दै स्वयम् पनि यसै विद्यालयबाट वि।स। २०५९मा एस एल सी उत्र्तीण गरि यसै विद्यालयमा हाल प्रिन्सिपलको जिम्मेवारी सम्हाल्ने अवसर पाएकोमा गर्व लागेको बताईन् ।
आफू सधै विद्यालयको हित तथा अभिभावक र विद्यार्थीको जिम्मेवारी प्रति दत्तचित्त भएर लाग्ने उनको भनाई थियो । शिक्षक, विद्यार्थी र अभिभावकको त्रिकोणात्मक सम्बन्धले मात्र संस्था सफल हुने विद्यालयमा अहिले त्यही खालको वातावरण रहेको र यसबाट विद्यालयले सहज रुपमा सफलता प्राप्त गर्ने उनको भनाई थियो ।
हाल विद्यालयको सञ्चालन क्याप्टेन रामेश्वर थापाको नेतृत्वमा रही ब्यवस्थापनको जिम्मेवारीमा शिक्षा सेवी अग्रज केशब थापा रहेको बताईन् । बालकालिकाको शैक्षिक लगायत अन्य पक्षको विकासको लागि कुनै कसुर बाँकी नराखी समय सापेक्ष पढाइ लेखाइसँगै विविध अतिरिक्त क्रियाकलापलाई जोड दिइने उनको भनाई थियो । अतिरिक्त कक्षाहरु, हस्तकला, चित्रकला, नृत्य, संगित, खेलका अभ्यासहरु गराउदै आएको र आगामी दिनमा समेत निरन्तरता दिइने उनले थपिन् ।
कार्यक्रममा शिक्षासेवी राम प्रसाद अधिकारी, वेदान्त एकेडेमीका निर्देशक दिपक बास्कोटा पुर्व बिद्यार्थी तथा पुण्य म.वि. सह(प्रधानाध्यापक रुपा थापा, अभिभावकका तर्फबाट हरिहर सुवेदी लगाएतले शुभकामना मन्तब्य राखेका थिए ।
कार्यक्रममा सिद्धार्थ वनस्थली इन्स्टिच्यूट ब्याचलर अफ एभिएसनका कलेजका प्राचार्य राजन थापा एवम् अपरेसन इन्चार्ज दिपेन मानन्धर, गुठियार सन्जीव उदास, विद्यालयका सह प्रिन्सिपल विमल कार्की, प्राज्ञिक संयोजक तथा सुचना अधिकारी प्रवीण दाहाल, विभिन्न सघं सस्थाका प्रतिनिधिहरु, अभिभावकहरुको उपस्थिति रहेको थियो ।
बास्कोटाले मन्तव्य संगै असल अभिभावकले आफ्नो बालबालिकालाई गर्नुपर्ने दायित्वको लागि असल अभिभावकत्व ग्रहण सम्बन्धमा अभिमुखीकरण समेत गरेका थिए। कार्यक्रम विद्यालय ब्यबस्थापन समितिका अध्यक्ष तथा गुठियार केशब थापाको सभापतित्वमा सम्पन्न भएको थियो ।
उक्त विद्यालयमा नर्सरी देखी कक्षा १२ सम्म ६ सय बढी विद्यार्थीहरु अध्ययनरत सो विद्यालयको वार्षिकोत्सव कार्यक्रममा विद्यार्थीहरुले सिकाईका क्रममा निर्मित सामग्रीहरु प्रदर्शनी गरेका थिए ।
विद्यालयमा अध्ययन गरेका तथा थप सिकेका विषय समग्रीहरुलाई उनीहरुले प्रदर्शनीमा राखेका थिए । प्रदर्शनी कार्यक्रममा आधारभूत तथा माध्यमिक तहका विद्यार्थीहरुको सहभागीता रहेको र विद्यार्थीहरुले निर्माण गरेको सामग्रीलाई अभिभावक लगायत करीब १ हजार जनाले अवलोकन गरेको समेत सूचना अधिकारी प्रवीण दाहालले जानकारी दिए ।
