पनौती
पनौती नगरपालिका वडा नं ४ मा रहेको बालोद्वार मा.विले तिजको अवसरमा एसईई उत्र्तीण विद्यार्थी, शिक्षक सम्मान, सेवानिवृत्त शिक्षक विधाई लगायत विविध कार्यक्रम आयोजना गरेको छ ।
कार्यक्रमका प्रमुख अतिथि पनौती नगरपालिकाका नगरप्रमुख रामशरण भण्डारीले कार्यक्रमो उद्घाटन गर्दै नगरभित्रका सामुदायिक विद्यालयहरुको शैक्षिक गुणस्तर अभिबृद्धि हुँदै गएको बताए । नगरपालिकाको सिमित साधन र स्रोतका बिच सामुदायिक विद्यालयहरुको नतिजा सुधार हुँदै जानु सुखद भएको बताउँदै विद्यालयहरुले अन्य स्रोत साधनहरुको पनि खोजी गर्दै उत्कृष्ट नतिजा दिन सक्नुपर्ने तर्क गरे ।
उक्त विद्यालयले गत शैक्षिक वर्षको एसईईमा शत् प्रतिशत नतिजा हासिल गराउन सफल भएको थियो । कार्यक्रममा एसईईका सहभागी विद्यार्थी तथा माध्यमिक तहमा शिक्षण गर्ने शिक्षकहरुलाई विशेष सम्मान गरिएको थियो । त्यसैगरी विद्यालयका शिक्षकहरु, लेखापाल तथा अन्य कर्मचारीहरुलाई समेत कार्यक्रममा सम्मान गरिएको विद्यालयका सूचना अधिकारी समेत रहेका शिक्षक राजकुमार तिमल्सिनाले जानकारी दिए ।
विद्यालयकी प्रधानाध्यापक मायादेवी श्रेष्ठले स्वागत मन्तव्य राखेको उक्त कार्यक्रममा ४१ वर्ष बढि शिक्षण पेसामा संलग्न तथा उक्त विद्यालयका निवर्तमान प्रधानाध्यापक अच्यूतम् बञ्जारालाई सेवा निबृत्तपछि सम्मान सहित विदाई गरिएको थियो ।
तिज लक्षित सांस्कृतिक कार्यक्रम समेत आयोजना गरिएको उक्त अवसरमा वडा अध्यक्ष दीपक प्रसाद दाहाल, शिक्षा शाखा स्रोत व्यक्ति महेश्वर जंगम, सामाजिक संस्था पासाको तर्फबाट सविता सैंजु, सिविन प्रतिनिधि विद्यालय व्यवस्थापन समिति, शिक्षक अभिभावक संघ पदाधिकारी अभिभावक, स्थानीय शिक्षा तथा समाजसेवीहरुको उपस्थिति रहेको थियो ।
कार्यक्रम विद्यालयका सहायक प्रधानाध्यापक ज्ञानदास श्रेष्ठले संचालन गरेका थिए ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |