बनेपा
काभ्रेको पाँचखाल समजकल्याणचाेकमा रहेकाे एक घरमा आगलागी भएकाे छ । पाँचखाल नगरपालिका वडा नम्बर–४ सामाज कल्याणमा रहेकाे उद्धव तिमल्सिनाकाे घरमा आगलागी भएको हाे।
शुक्रबार बिहान ६ः१५ बजेको समयमा घरको सटरमा अचानक विद्युत् सर्ट भई आगोलागी भएको जिल्ला प्रहरी कार्यालय काभ्रेले जनाएको छ ।
प्रहरीका अनुसार आगलागी हुँदा सोही घरमा रहेको ९ सटर मध्ये ४ वटा कपडा पसल पूर्ण रूपमा जलेर नष्ट भएको छ भने ३ वटा होटेल एक मोबाइल पसल र एक मासु पसलमा आंशिक क्षति भएको छ ।
नेपाल प्रहरी, सशस्त्र प्रहरी, जनप्रतिनिधि र स्थानीयको सहयोगमा करिब ४५ मिनेटपछि आगलागी नियन्त्रणमा आएको जिल्ला प्रहरी कार्यालय काभ्रेका सूचना अधिकारी प्रहरी नायब उपरीक्षक राजकुमार श्रेष्ठले जानकारी दिए ।
उनका अनुसार, आगलागीमा कुनै मानवीय क्षति छैन । उक्त घरको सटरमा सञ्चालित ९ वटा पसलमध्ये ४ वटा कपडा पसलमा पूर्णि क्षति, ३ वटा होटल, १ वटा मोबाइल पसल र १ वटा मासु पसलमा आंशिक क्षति भएको उनले बताए ।
