ललितपुर
ललितपुर बागमती गाउँपालिकामा रहेको श्री जनक माध्यामिक बिद्यालयले विद्यालय स्थापनाको ५० वर्ष पुरा गरेको अवसरमा स्वर्ण महोत्सव मनाउने भएको छ ।
बागमती गाउँपालिका वडा न ७ गिम्दी मा रहेको उक्त विद्यालयले आगामी फागुन २० र २१ गते गते स्वर्ण जयन्ती मनाउने भएको हो । आफ्नो स्थापनाको ५० औं बर्षमा बिद्यालयले स्वर्ण जयन्ती मनाउन लागेको हो । यसै हप्ता विद्यालयले एक कार्यक्रम तथा अविभावक भेला गरि बिद्यालय व्यबस्थापन समितिले स्वर्ण जयन्ती भव्य र सभ्य तरिकाबाट गर्ने भनी निर्णय गरेको छ।
स्वर्ण जयन्ती महोत्सवका लागि बिद्यालयले २ सय ३ सदस्यीय मूल समारोह समिति निर्माण गरेको छ । स्वर्ण जयन्ती मूल्य समारोह समितिको संयोजकमा बिद्यालय व्यवस्थापन समितिका अध्यक्ष लक्ष्मण बहादुर लामिछाने रहेका छन् भने उप संयोजकमा शिक्षक अविभावक संघका अध्यक्ष रामराजा राना मगर रहेका छन ।
आजै बिद्यालयले मूल समारोह समितिबाट विभिन्न उपसमितिहरु पनि निर्माण गरेको छ । जसमा दुर्गा बहादुर रुम्बाको संयोजकत्वमा आर्थिक उपसमिति गठन गरेको छ । अतिथि व्यवस्थापन र खाद्यान्न व्यवस्थापन उपसमितिमा गोमा अधिकारी संयोजक रहेकी छिन । त्यस्तै खेलकुद तथा सास्कृतिक उपसमितिमा बुद्धमान लोप्चन, स्मारिका व्यवस्थापन उपसमितिमा जीवन राना मगर, र प्रकाश आचर्य संयोजक रहेका छन् ।
त्यस्तै गेट भवन मैदान सजावट उपसमिति संयोजकमा देवराज राना मगर, स्वास्थ सेवा उपसमिति संयोजकमा कमल आले, प्राविधिक उपसमिति संयोजकमा चोमराज तिमिल्सिना, उपत्यका समन्वय उपसमिति संयोजकमा नकुल बस्नेत रहेका छन् ।
बिद्यालयले प्रचारप्रसार उपसमिती को संयोजकमा राजन प्रसाद दाहाल, प्रवासी नेपाल सहयोग उपसमितिको संयोजकमा कृष्ण बहादुर जर्घामगर र स्वयंसेवक परिचालक उपसमितिमा सृजन रुम्बा, पुर्व शिक्षक पुनःमिलन संयोजकमा रेशम बहादुर ढोडारी र पुर्व विद्यार्थी पुनः मिलन उपसमितिमा राजकुमार आले रहेको बिद्यालयले बताएको छ । साथै बिद्यालयले स्वर्ण जयन्तीको सल्लाहकारमा राम प्रसाद ढोडारीलाई तोकिदिएको छ ।
आज बिद्यालयमा भएको कार्यक्रममा शुभकामना प्रदान गर्नुहुदै छिमेकी बिद्यालय श्री नारायणी माविका प्रधानाध्यापक इश्वर सन्जेलले सबै जना एक जुट भएर लागेमा महोत्सव सफल पार्न सकिने बताए । साथै उनले आफू र आफ्नो बिद्यालयले महोत्सवको लागि सहयोग गर्ने प्रतिबद्धता समेत व्यक्त गरे । कार्यक्रमका प्रमुख अतिथि तथा बागमती गाउँपालिका वडा न ७ का अध्यक्ष होम प्रसाद बजगाईले यस बिद्यालयको स्वर्ण जयन्तीको लागि वडा बाट ५० हजार रुपैयाँ बिनियोजन गरेको र गाउँपालिकाको बोर्ड बैठकमा पनि आफुले रकम बिनियोजन गर्न अनुरोध गरेको बताए ।
कार्यक्रमका सभापति एबम बिद्यालय व्यवस्थापन समितीका अध्यक्ष लक्ष्मण लामिछानेले सबैले सकेको सहयोग गरि महोत्सव सफल पार्न सहयोग गर्न अविभाबकहरुमा अनुरोध गरे । कार्यक्रममा विभिन्न टोल र क्षेत्रका अबिभावक तथा बुद्धिजिविहरुको उपस्थिति रहेको थियो । जनक मावि २०३० सालमा औपचारिक रुपमा स्थापना भएको थियो ।
