ग्रामिण भेगमा चोरको बिगबिगी,चरन पठाएको खसी बाख्रा घर फर्किन छाडे

आशापुरेश्वर/पनौती नगरपालिका वडा नम्बर २ का रुद्रप्रसाद सापकोटा मंगलबार कामको सिलसिलामा बनेपा गए । घरका परिवारका सदस्यहरु पनि घरायसी काममा ब्यस्त भए । बर्खा समय सुरु भएसँगै खेतिपातीको काम भएकाले परिवारको सदस्य खेतिपातीमै ब्यस्त भए । सापकोटा पनि बनेपा बाट अबेला नै घर फर्किए । गोठ घर भन्दा अलि माथीनै रहेकोले कसैले वास्ता गरेनन् । पानी रोकिए पछि गोठमा बाख्रालाई स्याउला झुन्डाउन जाँदा बानेको खसी नदेखेपछि सबैतिर खोजियो तर भेटिएन । तिनखुट्टे गाउँतिर हल्लाखल्ला गरियो कतै देखिएन । न रगत न भुत्लानै देखिएपछि सापकोटा तनाबमा रहे ।

केही बेरपछि खबर आयो । आशापुरेश्वरमा स्थानिय राजेश लामाको नेतृत्व र आशापुरेश्वर अस्थायी प्रहरी पोष्टका प्रहरीको सक्रियतामा सेतो खसी,स्कुटर सहित एकजना अपरिचित ब्यक्तिलाई पक्रिएको छ । आशापुरेश्वरमा सबै स्थानिय जम्मा भए यो घटना उनिहरुको लागि नौलो थिएर । यो भन्दा पनि पहिला यस क्षेत्रका घरगोठ बाट पशुचौपाय पटक पटक हराएको र चोर पनि पक्रिएका थिए तर केही समय अघि देखि चरनमा पठाएका पशुचौपाय हराइरहेका थिए तर कसले कहाँ लग्यो अत्तोपत्तो थिएन । मंगलबार भने स्थानियले अपरिचित ब्यक्तिले खसि बोरामा हालेर मुख बाधीँ सुर्यबिनायक तर्फ बा ७० प ६५२७ नम्बरको स्कुटरमा हालेर लाँदै गर्दा स्थानिय राजेश लामा,प्रेम लामा, बुद्ध लामा लगायत युवाहरुले देखि बाटो छेकेर चोर समात्न सफल भएको स्थानियले बताए ।

 राजेश लामाले प्रहरी लाई खबर गरेपछि सबैजना जम्मा भएको थिए । पहिला त १८ हजारमा किनेर ल्याएको बताएका अपरिचित ब्यक्तिले कहाँबाट किनेको ल हामीलाई लिएर हिँड भनेर प्रहरीले भने सँगै खसि चोरले घर देखाउन लाँदै गर्दा प्रहरीलाई कुटपिट गरि बाटोबाटै भाग्न थालेको थियो । पछि स्थानियहरुले थाहापाए पछि सबै मिलेर समातेका थिए । बनेपा नगरपालिका वडा नम्बर ८ नयाँबस्ति घर र नाम जुजुकाजी बताएको अस्थायी प्रहरी पोष्ट आशापुरेश्वरले जनाएको छ । अहिले खसीचोरलाई पक्रिएर अनुसन्धान प्रक्रिया अगाडी बढाइएको छ ।