शिक्षकलाई लाठी, पानीको फोहोरा र अश्रु ग्याँस उपहार

काठमाण्डौ ⁄ नेपाल शिक्षक महासंघको नेतृत्वमा देशभरका शिक्षकहरू आन्दोलित भएको २६ दिन भएको छ । शिक्षकहरुले शिक्षा ऐन सँगै विभिन्न माग राख्दै संघिय राजधानी काठमाण्डौ केन्द्रित आन्दोलन गरिरहेका छन् । आज नयाँ बानेश्वर क्षेत्र आइतबार तनावग्रस्त बन्यो । आन्दोलनरत शिक्षकले नयाँ बानेश्वरस्थित निषेधित क्षेत्र तोड्न थालेपछि प्रहरीले पानीको फोहोरा प्रहार गरेको थियो । त्यस पश्चात शिक्षा ऐन माग गर्दै आन्दोलनरत शिक्षकहरु र प्रहरी शिक्षक बिच झडप भएको थियो ।

शिक्षकहरुले नयाँ बानेश्वरमा प्रहरीको ब्यारिकेड तोड्न खोजेपछि पानीको फोहोरा प्रहार गरिएको जिल्ला प्रहरी परिसर काठमाडौंका एसपी अपीलराज बोहोराले जानकारी दिए । तर शिक्षक महासंघका अध्यक्ष लक्ष्मिकिशोर सुबेदीका अनुसार प्रहरीले एक्कासी शिक्षकहरुमाथी लाठी चार्ज, पानीको फोहोरा र अश्रु ग्याँस प्रहार गरेको दाबी गरे । प्रहरीको दमन बाट एक सय भन्दा माथी शिक्षकहरु घाइते भएको नेपाल शिक्षक महासंघले जानकारी दिएको छ । तर सरकार भने अहिले सम्म कानमा तेल हालेर नै सुतिरहेको अनुभुती शिक्षकहरुले गरेको शिक्षक महांघले जनाएको छ ।

नयाँ बानेश्वर क्षेत्र आइतबार तनावग्रस्त बन्यो ।  आन्दोलनरत शिक्षकले नयाँ बानेश्वरस्थित निषेधित क्षेत्र तोडन थालेपछि प्रहरीले पानीको फोहोरा प्रहार गरेको थियो । त्यस पश्चात प्रहरी शिक्षक बिच झडप भएको थियो ।

शिक्षकहरुले नयाँ बानेश्वरमा प्रहरीको ब्यारिकेड तोड्न खोजेपछि पानीको फोहोरा प्रहार गरिएको जिल्ला प्रहरी परिसर काठमाडौंका एसपी अपीलराज बोहोराले जानकारी दिए । तर शिक्षक महासंघका अध्यक्ष लक्ष्मिकिशोर सुबेदीका अनुसार प्रहरीले एक्कासी शिक्षकहरुमाथी लाठी चार्ज, पानीको फोहोरा र अश्रु ग्याँस प्रहार गरेको दाबी गरे । प्रहरीको दमन बाट एक सय भन्दा माथी शिक्षकहरु घाइते भएको नेपाल शिक्षक महासंघले जानकारी दिएको छ । उनिहरुको काठमाण्डौं स्थित सिभिल अस्पतालमा उपचार भई रहेको छ ।

 

केही समय अगाडी देखि विभिन्न स्वरुपमा आन्दोलन गर्दै आएको शिक्षक महासंघले आफ्ना मागहरु प्रति सरकार उत्तरदायी नदेखे पछि अनिश्चितकालिन आन्दोलनको शुरु गरेको छ । महासंघको आव्हानमा काठमाडौं जाऔँ अभियान सहित हुने अनिश्चितकालीन शैक्षिक आन्दोलनका लागि देशभरका शिक्षकहरु विभिन्न जिल्ला बाट काठमाडौं आइरहेका छन् ।
गुणस्तरीय विद्यालय शिक्षा, विद्यार्थी र शिक्षक कर्मचारीमैत्री अग्रगामी विद्यालय शिक्षा ऐन जारी गराउन राज्य पक्षलाई दबाब दिन आन्दोलन भइरहेको छ महासंघका अध्यक्ष लक्ष्मिकिशोर सुवेदीले साझा पत्रिका डटकमलाई जानकारी दिए । आन्दोलनमा देशभरका अधिकांश शिक्षक तथा कर्मचारी सहभागी भएका छन् । आन्दोलनमा आएका शिक्षक तथा कर्मचारी विद्यालय शिक्षा ऐन जारी नहुँदासम्म काठमाडौंबाट नफर्किने महासङ्घले जनाएको छ ।

स्थायी, राहत, साविक उमावि, सिकाइ अनुदान, बालविकास कक्षा, अस्थायी र करार, प्राविधिक धार, विशेष शिक्षा तथा संस्थागत विद्यालय लगायत सबै प्रकृतिका शिक्षक तथा विद्यालय कर्मचारीका सबै समस्या समाधान गरी गुणस्तरीय विद्यालय शिक्षाको प्रबन्धका पक्षमा स्पष्ट मार्ग निर्माण गर्न सक्ने नयाँ विद्यालय शिक्षा ऐन जारी नभएसम्म आन्दोलन निरन्तर चलीरहने बताइएको महासंघले जनाइएको छ ।

मुख्य मुद्धाको रुपमा महासंघ र सरकारबीच विगतमा भएका सबै सहमति सम्बोधन हुने गरी गुणस्तरीय विद्यालय शिक्षा, विद्यार्थी र शिक्षक कर्मचारी मैत्री अग्रगामी विद्यालय शिक्षा ऐन जारी गराउन राज्यपक्षलाई बाध्य पार्नु यस आन्दोलनको उद्देश्य रहेको बताइएको छ । उद्देश्य प्राप्तिका लागि हामीले गर्ने आन्दोलन शान्तिपूर्ण, अनुशासित र मर्याादित हुने महासंघको विश्वास छ ।