अपचलित रकम व्याज सहित असुल गरी कानुनी कारबाहीका लागि लेखिपठाइएको सामुदायीक साकोसद्वारा जानकारी

पनौती

समुदायिक बचत तथा ऋण सहकारी संस्था लिमिटेड, पनौती–४, काभ्रेपलाञ्चोकका कर्मचारीहरुबाट अपचलन भएको भनिएको रकम व्याज सहित असुल भएको संस्थाले जनाएको छ ।

कर्मचारीहरु सेवा केन्द्र प्रमुख विकास खड्का, ऋण साहायक सुवास सापकोटा र ऋण सहायक सुन्दर घिमिरेले संस्थाको नीति, नियम र कानुन उलंघन गरी रकम हिनामिना गरेको भन्दै संस्थाले हिनामिना भएको रकमको व्याज सहित असुल गरिएको विज्ञप्ति मार्फत जनाएको हो ।

संस्थाको बैठकको निर्णयले जेष्ठ १० गते देखि लागु हुने गरी तीनै जना कर्मचारीहरुलाई बर्खास्त गरी कनुनी कारबाहीको लागि लेखि पठाएको जानकारी सहित संस्थाका अध्यक्ष मुकुन्द शर्माले विज्ञप्ति जारी गरेका हुन् ।
शेयर सदस्यहरुको बचत रकम पूर्ण रुपमा सुरक्षित रहेको भन्दै विचलित नहुन समेत संस्थाको तर्फबाट विज्ञप्ति मार्फत आग्रह गरिएको छ ।