काठमाडौं
अज्ञात समूहको गोलीप्रहारबाट बाराको कलैयामा प्रधानाध्यापकको मृत्यु भएको छ ।
कलैयास्थित बालएकता बोर्डिङ स्कुलका प्रधानाध्यापक रुपेश स्वर्णकारलाई मोटरसाइकलमा आएका दुई जनाले गोली प्रहार गरेका थिए ।
स्वर्णकारलाई उपचारका लागि वीरगन्जको बयोधा अस्पताल र्पुयाइएको थियो । अस्पतालमा उपचारका क्रममा उनको मृत्यु भएको प्रहरीले बताएको छ । मोटरसाइकलमा मास्क लगाएर आएका व्यक्तिले गोली प्रहार गरी भागेका थिए ।
स्कुल नजिकै मदर्सा टोलमा स्वर्णकारमाथि गोली प्रहार गरिएको थियो । उनको टाउको र छातीमा गोली लागेको थियो । सोमबार साँझ नै एक जना आरोपी पक्राउ परेका छन् । पक्राउ परेका आरोपितलाई प्रहरीले सार्वजनिक गरेको छैन ।
