काभ्रे । नेपाल पुलिस स्कुल सागाँको आयोजनामा विद्यालय स्तरिय राष्ट्रिय ब्याडमिन्टन प्रतियोगिता शुरु भएको छ ।
सागाँस्थित विद्यालयको डि. बी. लामा मेमोरियल हलमा प्रतियोगिता सुरु भएको हो । नेपाल ब्याडमिन्टन संघका केन्द्रिय उपाध्यक्ष उदय कुमार श्रेष्ठको प्रमुख आतिथ्यमा एक समारोह बिच उद्घाटन भएको छ ।
उद्घाटन समारोहमा नेपाल ब्याडमिन्टन संघका पदाधिकारीहरु, स्थानिय समाजसेविहरु, सहभागी विद्यालयका खेलाडी र प्रतिनिधीहरु, पत्रकार लगायत विद्यालय परिवारको उपस्थिति रहेको थियो ।
प्रतियोगिता उद्घाटन कार्यक्रममा बोल्दै विद्यालयका प्रार्चाय मोहन पौडेलले मन्तव्य मार्फत उचित मार्गनिर्देशन पाएमा खेलमा लाग्ने विद्यार्थीहरुको भबिष्य उज्वल रहने बताएका थिए । अहिले ओलम्पिक खेलिरहेका प्रिन्स दाहाल कुनै समय यहि विद्यालयको हलमा ब्याडमिन्टन खेल्ने गरेको कुरा पनि स्मरण गराए ।
प्रतियोगिता साउन २० गते सम्म चल्ने छ । प्रतियोगितामा आयोजक सहित उपत्यका र उपत्यका बाहिरका गरि २८ विद्यालयका १ सय १९ जनाको सहभागिता रहने छ ।
प्रतियोगिताको व्यतिगत विधातर्फको विजेताले नगदसहित प्रमाणपत्र र मेडल र मेडल संख्याका आधारमा उत्कृष्ट हुने विद्यालयले ट्रफि पाउने आयोजकले जनाएको छ। विधागत उत्कृष्ट खेलाडीलाई पनि आकर्षक पुरस्कार पाउनेछन् ।
नेपाल ब्याडमिन्टन संघको प्राविधिक सहयोग सञ्चालन भईरहेको प्रतियोगिता विद्यालयस्तरको सबैभन्दा ठुलो प्रतियोगिता भएको आयोजकले दावी गरेको छ।
